Сурат 10 Юнус, аят 75 – 90

  1. ثُمَّ بَعَثْنَا مِنْ بَعْدِهِمْ مُوسَىٰ وَهَارُونَ إِلَىٰ فِرْعَوْنَ وَمَلَئِهِ بِآيَاتِنَا فَاسْتَكْبَرُوا وَكَانُوا قَوْمًا مُجْرِمِينَ

    ТӀаккха царал тӀаьхьа Муса а‚ ХӀарун а вахийтира Оха ФирӀавнна а‚ цуьнан элашна а тӀе Тхешан аяташца – цара куралла йира‚ уьш хилира къинош деш долу къам

    10:75
  2. فَلَمَّا جَاءَهُمُ الْحَقُّ مِنْ عِنْدِنَا قَالُوا إِنَّ هَٰذَا لَسِحْرٌ مُبِينٌ

    Тхоьгара бакъдерг шайга деъча‚ цара элира: 'Баккъалла а, хӀара билггала бозбуунчалла ма ду'

    10:76
  3. قَالَ مُوسَىٰ أَتَقُولُونَ لِلْحَقِّ لَمَّا جَاءَكُمْ ۖ أَسِحْرٌ هَٰذَا وَلَا يُفْلِحُ السَّاحِرُونَ

    Мусас элира: 'Бакъдолчунна, и шайга деъча, /иштта/ олу аш? Бозбуунчалла ду хӀара? Бозбуунчаш баккхийбийр ма бац'

    10:77
  4. قَالُوا أَجِئْتَنَا لِتَلْفِتَنَا عَمَّا وَجَدْنَا عَلَيْهِ آبَاءَنَا وَتَكُونَ لَكُمَا الْكِبْرِيَاءُ فِي الْأَرْضِ وَمَا نَحْنُ لَكُمَا بِمُؤْمِنِينَ

    Цара элира: 'Хьо веана тхуна тхешан дай шена тӀехь тхуна карийначух тхо дӀадерзо /деккъа/ шу- шинна хилийтархьама лаьттахь сийлалла? Тхо шушиннах а тешаш ма дац'

    10:78
  5. وَقَالَ فِرْعَوْنُ ائْتُونِي بِكُلِّ سَاحِرٍ عَلِيمٍ

    ФирӀавна элира: 'Суна тӀе валаве хӀора говза мел волу бозбуунча'

    10:79
  6. فَلَمَّا جَاءَ السَّحَرَةُ قَالَ لَهُمْ مُوسَىٰ أَلْقُوا مَا أَنْتُمْ مُلْقُونَ

    Бозбуунчаш баьхкича, Мусас цаьрга элира: 'Кхосса шаьш кхуссуш ерг'

    10:80
  7. فَلَمَّا أَلْقَوْا قَالَ مُوسَىٰ مَا جِئْتُمْ بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ

    Цара кхоьссича‚ Мусас элира: 'Аш шайца деана дерг бозбуунчалла ду. Баккъалла а, Дала дойур ду иза. Баккъалла а, Дала ца тойо /хма/ талхош болчеран Ӏамал

    10:81
  8. وَيُحِقُّ اللَّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ

    Бакъдерг бакъхуьлуьйту Дала Шен дешнашца‚ къинош дечарна и мел ца дезахь а'

    10:82
  9. فَمَا آمَنَ لِمُوسَىٰ إِلَّا ذُرِّيَّةٌ مِنْ قَوْمِهِ عَلَىٰ خَوْفٍ مِنْ فِرْعَوْنَ وَمَلَئِهِمْ أَنْ يَفْتِنَهُمْ ۚ وَإِنَّ فِرْعَوْنَ لَعَالٍ فِي الْأَرْضِ وَإِنَّهُ لَمِنَ الْمُسْرِفِينَ

    Мусах ца тийшира цуьнан къомах цхьа зуьрриет бен, ФирӀавна а‚ цуьнан элаша а шаьш питане лацарх кхерарна. Баккъалла а, ФирӀавн лакхаваьлла лаьттахь /зуламаш деш/. Баккъалла а, и /Делан ниӀматах/ кхоам цабечарах ву

    10:83
  10. وَقَالَ مُوسَىٰ يَا قَوْمِ إِنْ كُنْتُمْ آمَنْتُمْ بِاللَّهِ فَعَلَيْهِ تَوَكَّلُوا إِنْ كُنْتُمْ مُسْلِمِينَ

    Мусас элира: 'ХӀай сан къам‚ шу хиллехь Делах тешна – Цунна тӀетовжа‚ шаьш (Цунна) муьтӀахь дерш делахь'

    10:84
  11. فَقَالُوا عَلَى اللَّهِ تَوَكَّلْنَا رَبَّنَا لَا تَجْعَلْنَا فِتْنَةً لِلْقَوْمِ الظَّالِمِينَ

    ТӀаккха цара элира: 'Далла тӀетевжина тхо. Веза волу Тхо Кхиош-Кхобург‚ тхо ма хилийталахь зуламе къомана питана

    10:85
  12. وَنَجِّنَا بِرَحْمَتِكَ مِنَ الْقَوْمِ الْكَافِرِينَ

    КӀелхьардахалахь тхо Хьайн къинхетамца керста къомах'

    10:86
  13. وَأَوْحَيْنَا إِلَىٰ مُوسَىٰ وَأَخِيهِ أَنْ تَبَوَّآ لِقَوْمِكُمَا بِمِصْرَ بُيُوتًا وَاجْعَلُوا بُيُوتَكُمْ قِبْلَةً وَأَقِيمُوا الصَّلَاةَ ۗ وَبَشِّرِ الْمُؤْمِنِينَ

    Мусага а‚ цуьнан веше (ХӀаруне) а Оха хаийтира ваьхьица ашшиммо а шаьшшиннан къомана Мисрахь хсамаш а лаца, шайн хсамех къилба а хилийта‚ ламаз а хӀоттаде‚ кхаъ а баккха муъмин нахе‚ аьлла

    10:87
  14. وَقَالَ مُوسَىٰ رَبَّنَا إِنَّكَ آتَيْتَ فِرْعَوْنَ وَمَلَأَهُ زِينَةً وَأَمْوَالًا فِي الْحَيَاةِ الدُّنْيَا رَبَّنَا لِيُضِلُّوا عَنْ سَبِيلِكَ ۖ رَبَّنَا اطْمِسْ عَلَىٰ أَمْوَالِهِمْ وَاشْدُدْ عَلَىٰ قُلُوبِهِمْ فَلَا يُؤْمِنُوا حَتَّىٰ يَرَوُا الْعَذَابَ الْأَلِيمَ

    Мусас элира: 'Веза волу тхо Кхиош-Кхобург‚ ФирӀавнна а‚ цуьнан элашна а дуьненан дахарехь хазалла а‚ бахам а белла Ахь, тхан Кхиош-кхобург, уьш тилабалийтархьама Хьайн некъах. Веза волу тхо Кхиош-Кхобург‚ байа церан бахам а‚ къиза де церан дегнаш а - уьш тешар болуш бац шайна лазош долу Ӏазап ца гича'

    10:88
  15. قَالَ قَدْ أُجِيبَتْ دَعْوَتُكُمَا فَاسْتَقِيمَا وَلَا تَتَّبِعَانِّ سَبِيلَ الَّذِينَ لَا يَعْلَمُونَ

    Цо (Дала) элира: 'Шушиннан доӀина жоп делла‚ нийса хила шушиъ‚ тӀаьхьа ма хӀитталаш ца хууш болчеран новкъа'

    10:89
  16. وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا ۖ حَتَّىٰ إِذَا أَدْرَكَهُ الْغَرَقُ قَالَ آمَنْتُ أَنَّهُ لَا إِلَٰهَ إِلَّا الَّذِي آمَنَتْ بِهِ بَنُو إِسْرَائِيلَ وَأَنَا مِنَ الْمُسْلِمِينَ

    Оха хӀорда дехьа бехира Исраилан кӀентий. Царна тӀаьхьа бевлира ФирӀавн а‚ цуьнан бӀо а хьогӀаций‚ мостагӀаллиций. /ХӀорда/ бухавахар шена ткхиъча‚ цо (ФирӀавна ша хьорда буха воьдуш) элира: 'Со тийши кхин Дела цахиларх, Шех Исраилан кӀентий тешнарг бен‚ со муьтӀахь болчарах (бусалба нахах) ву-кх'

    10:90

Гочдар: Магомед Магомедов