Сурат 16 Ан-нахьл (Некхарий), аят 41 – 50
-
وَالَّذِينَ هَاجَرُوا فِي اللَّهِ مِنْ بَعْدِ مَا ظُلِمُوا لَنُبَوِّئَنَّهُمْ فِي الدُّنْيَا حَسَنَةً ۖ وَلَأَجْرُ الْآخِرَةِ أَكْبَرُ ۚ لَوْ كَانُوا يَعْلَمُونَ
Шайна зулам динчул тӀаьхьа Делан дуьхьа (кхечу махкашка) дӀакхелхинарш – Оха уьш биссор ма бу дуьненахь а дикачунна тӀе‚ эхартан ял-м мелхо а йоккха ю‚ царна (и) хууш хиллехь
16:41 -
الَّذِينَ صَبَرُوا وَعَلَىٰ رَبِّهِمْ يَتَوَكَّلُونَ
Уьш бу шаьш собар динарш а‚ шайн Кхиош-Кхобучунна тӀетевжинарш а
16:42 -
وَمَا أَرْسَلْنَا مِنْ قَبْلِكَ إِلَّا رِجَالًا نُوحِي إِلَيْهِمْ ۚ فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ
Хьол хьалха а ца бахийтина Оха божарий бен, Оха шайга ваьхьий а луш. Аш хаттал хьехам (хаам) шегахь болчу охӀлане, шаьш хиллехь ца хууш
16:43 -
بِالْبَيِّنَاتِ وَالزُّبُرِ ۗ وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ
Билгалонашца а‚ жайнашца а /бахкийтира Оха элчанаш/. Хьоьга боссийна Оха хьехам, хьоьга нахана билгалдаккхийта а цаьрга доссош хилларг (Делан хьукманаш)‚ уьш ойла еш хилийта а
16:44 -
أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ
Вочуьнца мекарло йинарш тешна бу-те Дала шаьш лаьтте д ца худабайтарх‚ я шайга Ӏазап догӀур цахилрх шайна хаа ца лучухула?
16:45 -
أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ
Я Цо шаьш схьацалацарх шайн дӀай-схьай идаршкахь? Цара кӀелдуьтур ма дац /Делан гӀуллакх/
16:46 -
أَوْ يَأْخُذَهُمْ عَلَىٰ تَخَوُّفٍ فَإِنَّ رَبَّكُمْ لَرَءُوفٌ رَحِيمٌ
Я Цо шаьш схьалоцург хиларх,шаьш кхерамехь а болуш? Баккъалла а, шун Кхиош-Кхобург /шух/ дог лозуш а ву‚ къинхетаме а ву
16:47 -
أَوَلَمْ يَرَوْا إِلَىٰ مَا خَلَقَ اللَّهُ مِنْ شَيْءٍ يَتَفَيَّأُ ظِلَالُهُ عَنِ الْيَمِينِ وَالشَّمَائِلِ سُجَّدًا لِلَّهِ وَهُمْ دَاخِرُونَ
Уьш ца хьовсу-те Дала кхоьлличу хӀуманашка, шайн ӀиндагӀ Далла сужуд дарций аьтту агӀорхьа а‚ аьрру агӀорхьа а теӀаш йолчу, шаьш /Делан ницкъана/ муьтӀахь йолчу?
16:48 -
وَلِلَّهِ يَسْجُدُ مَا فِي السَّمَاوَاتِ وَمَا فِي الْأَرْضِ مِنْ دَابَّةٍ وَالْمَلَائِكَةُ وَهُمْ لَا يَسْتَكْبِرُونَ
Далла сужуд до стигланашкахь мел долчо а‚ лаьттахь мел долчо а‚ дийнатех /долчара а/‚ маликаша а, шаьш куралла а ца еш
16:49 -
يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ ۩
Уьш кхоьруш ду шайна тӀехь волчу шайн Кхиош-Кхобучух‚ деш ду шайга де бохург
16:50
Гочдар: Магомед Магомедов