Сурат 28 Аль-къасас (Дийцар), аят 36 – 38

1. فَلَمَّا جَاءَهُمْ مُوسَىٰ بِآيَاتِنَا بَيِّنَاتٍ قَالُوا مَا هَٰذَا إِلَّا سِحْرٌ مُفْتَرًى وَمَا سَمِعْنَا بِهَٰذَا فِي آبَائِنَا الْأَوَّلِينَ

   Шайга веъча Муса Тхан билгалчу аяташца‚ цара элира: 'ХӀара ма дац /наха/ кхоьллина бозбуунчалла бен‚ тхуна-м ца хезна оцунах тхан хьалхалерчу дайшкахь'

   28:36

2. وَقَالَ مُوسَىٰ رَبِّي أَعْلَمُ بِمَنْ جَاءَ بِالْهُدَىٰ مِنْ عِنْدِهِ وَمَنْ تَكُونُ لَهُ عَاقِبَةُ الدَّارِ ۖ إِنَّهُ لَا يُفْلِحُ الظَّالِمُونَ

   Элира ткъа Мусас: 'Сан Кхиош-кхобург ву-кх дика хууш Шегара нийсачу некъаца мила веана а‚ /дахаран/ хӀусаман тӀаьхье хьенан хир ю а. Баккъалла а, зуламхой баккхийбийр ма бац'

   28:37

3. وَقَالَ فِرْعَوْنُ يَا أَيُّهَا الْمَلَأُ مَا عَلِمْتُ لَكُمْ مِنْ إِلَٰهٍ غَيْرِي فَأَوْقِدْ لِي يَا هَامَانُ عَلَى الطِّينِ فَاجْعَلْ لِي صَرْحًا لَعَلِّي أَطَّلِعُ إِلَىٰ إِلَٰهِ مُوسَىٰ وَإِنِّي لَأَظُنُّهُ مِنَ الْكَاذِبِينَ

   ФирӀавнас элира: 'ХӀай элий! Суна ца хиънера шуна со воцург /кхин/ дела. ЦӀе латае суна‚ хӀай ХӀаман, поппарах (кибарчигаш йотта), тӀаккха /лекха/ гӀала е суна, со мега Мусан Далла тӀекхача. Баккъалла а, суна иза хеташ ву харцлуьйчарах'

   28:38

Гочдар: Магомед Магомедов