Сурат 2 Аль-бакъара (Етт), аят 40 – 49
-
يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَوْفُوا بِعَهْدِي أُوفِ بِعَهْدِكُمْ وَإِيَّايَ فَارْهَبُونِ
ХӀай‚ Исраилан кӀентий‚ Аш дагадаийта Сан ниӀмат‚ Ас шайна делла хилла долу‚ аш кхочушъе Соьца /шаьш Суна а бен бадат дийр дац, аьлла/ хилла ваӀда‚ Ас кхочушйийр ю шуьца /Айса шуна хаза мела лур бу, аьлла/ хилла ваӀда‚ Сох цхьаннах кхералаш
2:40 -
وَآمِنُوا بِمَا أَنْزَلْتُ مُصَدِّقًا لِمَا مَعَكُمْ وَلَا تَكُونُوا أَوَّلَ كَافِرٍ بِهِ ۖ وَلَا تَشْتَرُوا بِآيَاتِي ثَمَنًا قَلِيلًا وَإِيَّايَ فَاتَّقُونِ
Шу тешалаш Ас охьадоссийначух (Къуръанах)‚ шуьгахь долчуьнца (Тавратаца) нийса догӀуш а долчу‚ – шу ма хила цунах хьалхара цатешарш. Сан аятех кӀеззиг болу мах ма эца‚ Сох кхералаш
2:41 -
وَلَا تَلْبِسُوا الْحَقَّ بِالْبَاطِلِ وَتَكْتُمُوا الْحَقَّ وَأَنْتُمْ تَعْلَمُونَ
Ма иэде аш бакъдерг харц долчуьнца‚ бакъдерг хьул ма де‚ шайна хуьушехь (Таврата чохь долу Мухьаммадан сибат)
2:42 -
وَأَقِيمُوا الصَّلَاةَ وَآتُوا الزَّكَاةَ وَارْكَعُوا مَعَ الرَّاكِعِينَ
Ламаз хӀоттаде‚ ло закат‚ сужудане гӀо сужуд дечаьрца
2:43 -
أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ ۚ أَفَلَا تَعْقِلُونَ
Аш хьоьху нахана диканиг? Ткъа дицдеш ма ду шайн догаш! Шу ма ду жайна (Таврат) доьшуш – шу хьекъале ца хуьлу?
2:44 -
وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ
Аш гӀо лаха собарца а‚ ламазца а. Баккъалла а, иза деза (хала) ма ду/Делах/чг кхоьруш берш боцучарна. (Иза кхочушдалур долуш дац /Далла/ муьтӀахь болчаьрга бен)
2:45 -
الَّذِينَ يَظُنُّونَ أَنَّهُمْ مُلَاقُو رَبِّهِمْ وَأَنَّهُمْ إِلَيْهِ رَاجِعُونَ
Уьш бу шаьш шайн Кхиош-кхобуш волчунна дуьхьалкхетарг хиларх а‚ шаьш Цунна тӀе дӀадоьрзург хиларх а тешаш
2:46 -
يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَنِّي فَضَّلْتُكُمْ عَلَى الْعَالَمِينَ
ХӀай Исраилан кӀентий! Аш /Суна шукур дарца/ дагадаийта Сан ниӀмат, Ас шуна делла хилла долу, – Ас шу даздина хилар Ӏаламал (шух элчанаш бахкийтарца, жайнаш диссорца)
2:47 -
وَاتَّقُوا يَوْمًا لَا تَجْزِي نَفْسٌ عَنْ نَفْسٍ شَيْئًا وَلَا يُقْبَلُ مِنْهَا شَفَاعَةٌ وَلَا يُؤْخَذُ مِنْهَا عَدْلٌ وَلَا هُمْ يُنْصَرُونَ
Шу кхера дийнах‚ сино синна пайда бийр боцчу, цуьнгара гӀо къобалдийр доцчу, цуьнгара мах оьцур боцчу, шайна /Делан Ӏазапах/ гӀо хир доцчу
2:48 -
وَإِذْ نَجَّيْنَاكُمْ مِنْ آلِ فِرْعَوْنَ يَسُومُونَكُمْ سُوءَ الْعَذَابِ يُذَبِّحُونَ أَبْنَاءَكُمْ وَيَسْتَحْيُونَ نِسَاءَكُمْ ۚ وَفِي ذَٰلِكُمْ بَلَاءٌ مِنْ رَبِّكُمْ عَظِيمٌ
Дагадайта /хӀай Исраилан кӀентий/! Оха кӀелхьардехира шу ФирӀавнан нахах: вон Ӏазап шуна тӀехь хӀоттадора цара‚ бойура шун кӀентий‚ дийна буьтура шун зударий – цу чохь шун сийлахь-веза волчу Кхиош-кхобучо зер ма ду
2:49
Гочдар: Магомед Магомедов