Сурат 43 Аз-зухруф (Хазаллаш), аят 57 – 67
-
وَلَمَّا ضُرِبَ ابْنُ مَرْيَمَ مَثَلًا إِذَا قَوْمُكَ مِنْهُ يَصِدُّونَ
Марьяман кӀантах масал далийча, хьан къомо чӀогӀа гӀовгӀа йоккху /хазахетта/
43:57 -
وَقَالُوا أَآلِهَتُنَا خَيْرٌ أَمْ هُوَ ۚ مَا ضَرَبُوهُ لَكَ إِلَّا جَدَلًا ۚ بَلْ هُمْ قَوْمٌ خَصِمُونَ
Цара элира: 'Тхан делий дика бу я иза ву?' И (масал) ца далийра цара къийсамна бен. ХӀаъ‚ уьш /харц/ къуьйсуш къам ду
43:58 -
إِنْ هُوَ إِلَّا عَبْدٌ أَنْعَمْنَا عَلَيْهِ وَجَعَلْنَاهُ مَثَلًا لِبَنِي إِسْرَائِيلَ
Иза-м (Марьяман кӀант Ӏийса) веккъа лай бен вац‚ Оха ниӀмат делла цунна‚ Оха хилийтина цунах масал Исраилан кӀенташна
43:59 -
وَلَوْ نَشَاءُ لَجَعَلْنَا مِنْكُمْ مَلَائِكَةً فِي الْأَرْضِ يَخْلُفُونَ
Тхуна лууш делхьара, шун метта маликаш хуьлуьйтура дара Оха лаьттахь‚ /шу хӀаллакдинчул тӀаьхьа/ дуьсуш
43:60 -
وَإِنَّهُ لَعِلْمٌ لِلسَّاعَةِ فَلَا تَمْتَرُنَّ بِهَا وَاتَّبِعُونِ ۚ هَٰذَا صِرَاطٌ مُسْتَقِيمٌ
Баккъалла а, иза (Ӏийса пайхамар) сахьтан (къематдийнан) Ӏаламат ду‚ аш янне а шеко ма елаш цуьнгахь. /Ахь āла цаьрга, хӀай Мухьаммад/: 'Суна тӀаьхьадазалаш. ХӀара бу /шуна/ нийса некъ.'
43:61 -
وَلَا يَصُدَّنَّكُمُ الشَّيْطَانُ ۖ إِنَّهُ لَكُمْ عَدُوٌّ مُبِينٌ
Данне а шайтӀано д ма хьавзойла шу /бакъдолчух/. Баккъалла а, иза шуна билгала мостагӀ ма ду
43:62 -
وَلَمَّا جَاءَ عِيسَىٰ بِالْبَيِّنَاتِ قَالَ قَدْ جِئْتُكُمْ بِالْحِكْمَةِ وَلِأُبَيِّنَ لَكُمْ بَعْضَ الَّذِي تَخْتَلِفُونَ فِيهِ ۖ فَاتَّقُوا اللَّهَ وَأَطِيعُونِ
Ӏийса веъча билгалонашца, цо элира: 'Со веана шуьга хьекъалаллица (хьекъал дахьаш)‚ шуна шеца хилпало йолу цхьадерш билгалдаха а. Делах кхералаш‚ суна муьтӀахь а хилалаш
43:63 -
إِنَّ اللَّهَ هُوَ رَبِّي وَرَبُّكُمْ فَاعْبُدُوهُ ۚ هَٰذَا صِرَاطٌ مُسْتَقِيمٌ
Баккъалла а, Дела Иза ву сан Эла а‚ шун Эла а‚ Цунна Ӏибадат делаш. ХӀара бу /шуна/ нийса некъ'
43:64 -
فَاخْتَلَفَ الْأَحْزَابُ مِنْ بَيْنِهِمْ ۖ فَوَيْلٌ لِلَّذِينَ ظَلَمُوا مِنْ عَذَابِ يَوْمٍ أَلِيمٍ
Хилпало хилира тобанийн шайна юккъехь. Ма /боккха/ бāла бу зулам диначарна лазаме долчу дийнан Ӏазапах
43:65 -
هَلْ يَنْظُرُونَ إِلَّا السَّاعَةَ أَنْ تَأْتِيَهُمْ بَغْتَةً وَهُمْ لَا يَشْعُرُونَ
Уьш хьовсий-те шайга цӀеххьана сахьт (къематде) даре бен, и шайна хаа ца луш?
43:66 -
الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ
ДоттагӀий оцу /къемат/дийнахь вовшийн мостагӀий хир бу, /цхьа Делах/ кхоьруш берш боцурш. /Ткъа цаьрга Дала эр ду/:
43:67
Гочдар: Магомед Магомедов