Сурат 6 Аль-анӀам (АнӀам), аят 101 – 110

1. بَدِيعُ السَّمَاوَاتِ وَالْأَرْضِ ۖ أَنَّىٰ يَكُونُ لَهُ وَلَدٌ وَلَمْ تَكُنْ لَهُ صَاحِبَةٌ ۖ وَخَلَقَ كُلَّ شَيْءٍ ۖ وَهُوَ بِكُلِّ شَيْءٍ عَلِيمٌ

   Стигланийн а‚ лаьттан а юьхьанца кхоллархо, мичара хир ву Цуьнан доьзалхо ? Цуьнан зуда ма ца хилла. Цо Ша ма кхоьллина массо а хӀума. Массо а хӀума Ша хууш верг ма ву Иза

   6:101

2. ذَٰلِكُمُ اللَّهُ رَبُّكُمْ ۖ لَا إِلَٰهَ إِلَّا هُوَ ۖ خَالِقُ كُلِّ شَيْءٍ فَاعْبُدُوهُ ۚ وَهُوَ عَلَىٰ كُلِّ شَيْءٍ وَكِيلٌ

   И ву шун Дела – шу Кхиош-кхобург – кхин дела вац И воцург‚ массо а хӀума Ша кхоьллинарг ву И. Цунна Ӏибадат дейша! И ма ву массо а хӀуманна тӀехь векал

   6:102

3. لَا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ ۖ وَهُوَ اللَّطِيفُ الْخَبِيرُ

   БӀаьрса ца кхуьу Цунах‚ И кхуьу бӀаьрсанах. И тӀех кхетаме а ву‚ дика хууш а ву

   6:103

4. قَدْ جَاءَكُمْ بَصَائِرُ مِنْ رَبِّكُمْ ۖ فَمَنْ أَبْصَرَ فَلِنَفْسِهِ ۖ وَمَنْ عَمِيَ فَعَلَيْهَا ۚ وَمَا أَنَا عَلَيْكُمْ بِحَفِيظٍ

   Шуьга еана бӀаьрсерлонаш шун Кхиош-кхобучуьнгара. БӀаьрг биллинчунна – цунна шена ду‚ бӀаьрг хьаббинчунна – цунна шена ду‚ /ахь āла‚ Мухьаммад/: 'Со ма вац шуна тӀехь хехо'

   6:104

5. وَكَذَٰلِكَ نُصَرِّفُ الْآيَاتِ وَلِيَقُولُوا دَرَسْتَ وَلِنُبَيِّنَهُ لِقَوْمٍ يَعْلَمُونَ

   Иштта билгалдоху Оха аяташ‚ цара āла тарло дела: 'Ахь Ӏамийна'‚ Оха и билгалдаккхархьама хууш долчу къомана

   6:105

6. اتَّبِعْ مَا أُوحِيَ إِلَيْكَ مِنْ رَبِّكَ ۖ لَا إِلَٰهَ إِلَّا هُوَ ۖ وَأَعْرِضْ عَنِ الْمُشْرِكِينَ

   Хьо хьайн Кхиош-кхобучуьнгара хьайн даг чу дуьллучунна тӀаьхьахӀотта‚ кхин Дела вац И воцург‚ генавала мушрикех

   6:106

7. وَلَوْ شَاءَ اللَّهُ مَا أَشْرَكُوا ۗ وَمَا جَعَلْنَاكَ عَلَيْهِمْ حَفِيظًا ۖ وَمَا أَنْتَ عَلَيْهِمْ بِوَكِيلٍ

   Далла лиънехьара /Цуьнца/ накъост лоцур вацара цара‚ царна тӀехь хехо ца вина Оха хьох‚ царна тӀехь векал а вац хьо

   6:107

8. وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ ۗ كَذَٰلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَىٰ رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ

   Аш сийсаза ма бе Дела а витина, цара шайга кхойкхуш берш (цш) – тӀаккха цара мостагӀаллица‚ цхьа а Ӏилма доцуш, Дела а сийсазвийр ву. Иштта хазйина Оха хӀор умматана шен Ӏамал‚ тӀаккха шайн Кхиош-кхобучуьнга ду церан дӀадерзар‚ Цо дуьйцур ду царна цара деш хилларг

   6:108

9. وَأَقْسَمُوا بِاللَّهِ جَهْدَ أَيْمَانِهِمْ لَئِنْ جَاءَتْهُمْ آيَةٌ لَيُؤْمِنُنَّ بِهَا ۚ قُلْ إِنَّمَا الْآيَاتُ عِنْدَ اللَّهِ ۖ وَمَا يُشْعِرُكُمْ أَنَّهَا إِذَا جَاءَتْ لَا يُؤْمِنُونَ

   Делаца чӀогӀа дуйнаш биира цара: шайга делил деъча‚ цунах тешанне а тешаза Ӏийр ма дац шаьш‚ аьлла. Ахь āла: 'Делилаш Далла гергахь ду'‚ стен хоуьйту шуьга? – уьш деъча а, цара ийман дуьллур дац

   6:109

10. وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ وَنَذَرُهُمْ فِي طُغْيَانِهِمْ يَعْمَهُونَ

    Церан дегнаш а‚ церан бӀаьрса а хьийзадо Оха‚ уьш цунах (Къуръанах) юьхьанца ца тешаш ма хилла‚ буьту уьш шайн тиларчохь дӀасауьйдуш

    6:110

Гочдар: Магомед Магомедов