Сурат 7 Аль-аӀраф (АӀраф), аят 94 – 99

1. وَمَا أَرْسَلْنَا فِي قَرْيَةٍ مِنْ نَبِيٍّ إِلَّا أَخَذْنَا أَهْلَهَا بِالْبَأْسَاءِ وَالضَّرَّاءِ لَعَلَّهُمْ يَضَّرَّعُونَ

   Оха ца вахийтина /цхьанна/ юьрта цхьа а пайхамар шен охӀла баланашца а‚ халонашца а схьалуьйцуш бен‚ уьш хьастлур бацара-те /Далла/?

   7:94

2. ثُمَّ بَدَّلْنَا مَكَانَ السَّيِّئَةِ الْحَسَنَةَ حَتَّىٰ عَفَوْا وَقَالُوا قَدْ مَسَّ آبَاءَنَا الضَّرَّاءُ وَالسَّرَّاءُ فَأَخَذْنَاهُمْ بَغْتَةً وَهُمْ لَا يَشْعُرُونَ

   ТӀаккха вочунна метта диканиг хийцира Оха уьш совбуьйлуш‚ цара элира: 'Вайн дайх а хьакхаделла халахетарш а, хазахетарш а'. ТӀаккха Оха цӀеххьана схьалецира уьш /Ӏазапаца/, царна ца хаалуш

   7:95

3. وَلَوْ أَنَّ أَهْلَ الْقُرَىٰ آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ وَلَٰكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ

   Яртийн охӀлано иман диллинехьара‚ /Делах/ кхийринехьара – царна стиглара а‚ лаьттара а ниӀматаш схьадиллина хир ма дара Оха‚ делахь а, харцдина-кх цара /дин/. ТӀаккха Оха схьалийцира уьш шаьш карадеш хиллачуьнца

   7:96

4. أَفَأَمِنَ أَهْلُ الْقُرَىٰ أَنْ يَأْتِيَهُمْ بَأْسُنَا بَيَاتًا وَهُمْ نَائِمُونَ

   Тешна юй-те яртийн охӀла Тхан Ӏазап шайна тӀе буса, шаьш наб еш лаьтташ‚ цадарна?

   7:97

5. أَوَأَمِنَ أَهْلُ الْقُرَىٰ أَنْ يَأْتِيَهُمْ بَأْسُنَا ضُحًى وَهُمْ يَلْعَبُونَ

   Я тешна буй-те яртийн бахархой Тхан Ӏазап шайна тӀе цадарах Ӏуьйранна, шаьш ловзуш долуш?

   7:98

6. أَفَأَمِنُوا مَكْرَ اللَّهِ ۚ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ

   Делан мекарлонах (кхерам цахиларах) тешна бу-те уьш? Делан мекарлонах (кхерам цахиларах) тешна хир ма дац /шена/ зен деш долу къам бен

   7:99

Гочдар: Магомед Магомедов