Сурат 9 Ат-тавбат (Тоба дар), аят 41 – 49

1. انْفِرُوا خِفَافًا وَثِقَالًا وَجَاهِدُوا بِأَمْوَالِكُمْ وَأَنْفُسِكُمْ فِي سَبِيلِ اللَّهِ ۚ ذَٰلِكُمْ خَيْرٌ لَكُمْ إِنْ كُنْتُمْ تَعْلَمُونَ

   Арадовла шаьш дайн дерш а‚ деза дерш а‚ къахьега (гӀазот де) шайн даьхница а‚ шайн синошца а Делан новкъахь. И дика ду шуна, шу хууш хиллехь

   9:41

2. لَوْ كَانَ عَرَضًا قَرِيبًا وَسَفَرًا قَاصِدًا لَاتَّبَعُوكَ وَلَٰكِنْ بَعُدَتْ عَلَيْهِمُ الشُّقَّةُ ۚ وَسَيَحْلِفُونَ بِاللَّهِ لَوِ اسْتَطَعْنَا لَخَرَجْنَا مَعَكُمْ يُهْلِكُونَ أَنْفُسَهُمْ وَاللَّهُ يَعْلَمُ إِنَّهُمْ لَكَاذِبُونَ

   Ӏалашо гергахь хилахь‚ некъ атта а хилахь – хьуна тӀаьхьахӀуьтту уьш‚ хӀетте а (некъ) гена хиларца хилла царна /хало/. Делаца дуйнаш буур бу цара: 'Шайн ницкъ кхачахьара, шуьца арадевр дара шаьш' (гӀазотана)‚ бохуш. Шаьш- шайн хӀаллакдо цара. Далла хаьа уьш харцлуьйш буйла

   9:42

3. عَفَا اللَّهُ عَنْكَ لِمَ أَذِنْتَ لَهُمْ حَتَّىٰ يَتَبَيَّنَ لَكَ الَّذِينَ صَدَقُوا وَتَعْلَمَ الْكَاذِبِينَ

   Дела къинтӀеравер хьуна! Ахь хӀунда пурба делла царна хьайна бакълуьйш берш билгалбовллалц‚ харцлуьйш берш бовззаллц?

   9:43

4. لَا يَسْتَأْذِنُكَ الَّذِينَ يُؤْمِنُونَ بِاللَّهِ وَالْيَوْمِ الْآخِرِ أَنْ يُجَاهِدُوا بِأَمْوَالِهِمْ وَأَنْفُسِهِمْ ۗ وَاللَّهُ عَلِيمٌ بِالْمُتَّقِينَ

   Хьоьга пурба доьхур дац хьуна Делах а‚ тьххьарчу дийнах а тешаш болчара шайн даьхница а‚ шайн синошца а гӀазот ца дан. Дела хууш ву (Шех) кхоьруш берш

   9:44

5. إِنَّمَا يَسْتَأْذِنُكَ الَّذِينَ لَا يُؤْمِنُونَ بِاللَّهِ وَالْيَوْمِ الْآخِرِ وَارْتَابَتْ قُلُوبُهُمْ فَهُمْ فِي رَيْبِهِمْ يَتَرَدَّدُونَ

   Хьоьга пурба доьху Делах а, тьххьарчу дийнах а цатешачара‚ шайн дегнаша шеко ечара‚ – уьш шайн шекона чохь ойланаш керчош бу

   9:45

6. وَلَوْ أَرَادُوا الْخُرُوجَ لَأَعَدُّوا لَهُ عُدَّةً وَلَٰكِنْ كَرِهَ اللَّهُ انْبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ

   Шаьш /гӀазотана/ арабовла лууш хиллехьара‚ цунна кечам бина хир бара цара‚ делахь а, Далла ца деза церан гучубовлар /гӀазотана/. Цо уьш бухабуьтуш бу /шуьца гӀазотана арабовларх, мало ярца/‚ элира /цаьрга/: 'Охьаховжший Ӏиэ охьахевшина Ӏачаьрца' (зударшца а‚ берашца а‚ къеначу нахаца а)

   9:46

7. لَوْ خَرَجُوا فِيكُمْ مَا زَادُوكُمْ إِلَّا خَبَالًا وَلَأَوْضَعُوا خِلَالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ ۗ وَاللَّهُ عَلِيمٌ بِالظَّالِمِينَ

   Шуьца уьш арабевллехьара а‚ шу совдохур ма дацара цара низам дохорца а бен‚ шун юкъаметтиг эгӀор ма яра цара, шуна питана лоьхуш. Шуна юккъехь ма бу цаьрга ладоьгӀуш берш. Дела бевзаш ву-кх зуламе берш

   9:47

8. لَقَدِ ابْتَغَوُا الْفِتْنَةَ مِنْ قَبْلُ وَقَلَّبُوا لَكَ الْأُمُورَ حَتَّىٰ جَاءَ الْحَقُّ وَظَهَرَ أَمْرُ اللَّهِ وَهُمْ كَارِهُونَ

   Хьалха а питана лехира цара‚ хьуна мекарлонаш йира бакъдерг даллалц. Делан гӀуллакх гучуделира, уьш (и) ца дезарш а болуш

   9:48

9. وَمِنْهُمْ مَنْ يَقُولُ ائْذَنْ لِي وَلَا تَفْتِنِّي ۚ أَلَا فِي الْفِتْنَةِ سَقَطُوا ۗ وَإِنَّ جَهَنَّمَ لَمُحِيطَةٌ بِالْكَافِرِينَ

   Царах ву ша олуш верг: 'Пурба лохьа суна /гӀазотана ара ца вāла/‚ питана ма де суна'. Ткъа питанна чуэгна бац уьш? Баккъалла а, жоьжахати гуо бийр болуш ма ю керстанашна

   9:49

Гочдар: Магомед Магомедов