Сурат 66 Ат-тахьрим, аят 1 – 5

1. يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَحِيمٌ

   ХIай пайхамар! Ахь хIунда хьарам до Дала хьуна хьанал динарг хьан зударий резабан гIерташ? Дела гечдийриг а‚ къинхетаме верг а ву

   66:1

2. قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ

   Дала тIе диллина шуна дуйнаш бастар. Дела ву шун гIоьнча. Иза ву хууш верг а‚ хьукам /нийса/ деш верг а

   66:2

3. وَإِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَنْ بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنْبَأَكَ هَٰذَا ۖ قَالَ نَبَّأَنِيَ الْعَلِيمُ الْخَبِيرُ

   Пайхамара шен цхьаболчу зударшка (Хьафсате) къайлах дийцира цхьа хабар. Цо (Хьафсато) иза кхечаьрга (Iаишате) дийцича‚ Дала иза цунна (элчанна) гучудаьккхича, цунах (цу хабарх) цхьадерг довзийтира цо (элчанас Хьафсате), цхьадерг хьулдийра. Цо цуьнга (Хьафсате) и дийцича‚ элира /Хьафсата/: 'Хьан дийцина хьоьга иза?' Цо элира: 'Соьга дийцина иза /нехан къайленаш/ хууш волчо‚ /массо а хма/ дика девзаш волчо (Дала).'

   66:3

4. إِنْ تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِنْ تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ

   Аш шимма (Хьафсата а‚ Iаишата а) тōба динехьара Деле… /И дика хир дара шуна аш цунна дуьхьал барт бечул/. Шу шиннан дог дIатевжира /Делан элчанца лело дезачу гллакхах/. Аш вовшашна гIо дахь цунна (пайхамарна) дуьхьал баккъалла а, Дела Иза ву и ларвийр верг‚ Джибрил а ду‚ муъмин нахах дика мел верг а ву‚ маликаш а ду цул тIаьхьа гIоьнчий

   66:4

5. عَسَىٰ رَبُّهُ إِنْ طَلَّقَكُنَّ أَنْ يُبْدِلَهُ أَزْوَاجًا خَيْرًا مِنْكُنَّ مُسْلِمَاتٍ مُؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا

   Мега иза Кхиош-кхобуш волчу цуьнан Дала, цо шу дитича, цунна шул дика зударий бало: шаьш бусалба болуш‚ муъмин болуш‚ муьтIахь болуш‚ тōба деш болуш‚ Iибадат деш болуш‚ /пайхамарца/ дIасалелаш болуш‚ хьалха марехь хилларш а‚ маре баханза болу мехкарий а

   66:5

Гочдар: Магомед Магомедов