Сурат 8 Аль-анфал (ХӀонс), аят 1 – 19

  1. يَسْأَلُونَكَ عَنِ الْأَنْفَالِ ۖ قُلِ الْأَنْفَالُ لِلَّهِ وَالرَّسُولِ ۖ فَاتَّقُوا اللَّهَ وَأَصْلِحُوا ذَاتَ بَيْنِكُمْ ۖ وَأَطِيعُوا اللَّهَ وَرَسُولَهُ إِنْ كُنْتُمْ مُؤْمِنِينَ

    Цара хьоьга хоьтту /хӀай Мухьаммад/ хӀонсах лаьцна‚ ахь āла: 'ХӀонс Делан а‚ элчанан а ю'. Шу Делах кхера‚ вовший юккъехь маслахьат а де‚ муьтӀахь хила Далла а‚ Цуьнан элчанна а‚ шаьш хиллехь тешаш дерш (муъмин нах)

    8:1
  2. إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَىٰ رَبِّهِمْ يَتَوَكَّلُونَ

    Баккъалла а, тешаш берш (муъмин нах) бу Дела хьехийча, шайн дегнаш кӀадлуш берш‚ шайна тӀехь Цуьнан аяташ дешча, ийманца совбуьйлуш берш‚ шайн Кхиош-кхобучунна тӀетевжаш берш

    8:2
  3. الَّذِينَ يُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ

    Ишттанаш бу уьш шаьш ламаз а хӀоттош‚ Оха шайна деллачу рицкъанах /Делан новкъахь/ харжаш а еш

    8:3
  4. أُولَٰئِكَ هُمُ الْمُؤْمِنُونَ حَقًّا ۚ لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيمٌ

    Уьш бу хьакъ-бакъ болу тешаш берш (муъмин нах)‚ царна шайн Кхиош-кхобучунна гергахь даржаш ду‚ гечдар ду‚ шортта рицкъ а ду

    8:4
  5. كَمَا أَخْرَجَكَ رَبُّكَ مِنْ بَيْتِكَ بِالْحَقِّ وَإِنَّ فَرِيقًا مِنَ الْمُؤْمِنِينَ لَكَارِهُونَ

    Хьан Кхиош-кхобучо хьо бакъонца хьайн цӀа чуьра араваккхаре терра‚ тешаш болчех (муъмин нахах) цхьа тоба чӀогӀа ца лууш ма ю /гӀазот дан/

    8:5
  6. يُجَادِلُونَكَ فِي الْحَقِّ بَعْدَمَا تَبَيَّنَ كَأَنَّمَا يُسَاقُونَ إِلَى الْمَوْتِ وَهُمْ يَنْظُرُونَ

    Хьоьца къуьйсуш бу уьш бакъдолчуьнгахь и билгалдаьллачул тӀаьхьа‚ шаьш Ӏожаллина тӀе лоьхкуш санна, шаьш хьоьжуш а лаьтташ

    8:6
  7. وَإِذْ يَعِدُكُمُ اللَّهُ إِحْدَى الطَّائِفَتَيْنِ أَنَّهَا لَكُمْ وَتَوَدُّونَ أَنَّ غَيْرَ ذَاتِ الشَّوْكَةِ تَكُونُ لَكُمْ وَيُرِيدُ اللَّهُ أَنْ يُحِقَّ الْحَقَّ بِكَلِمَاتِهِ وَيَقْطَعَ دَابِرَ الْكَافِرِينَ

    Дала шуьца ваӀда йо: шина тобанах цхьаъ шун ю, олий. Шуна дезаш ду герз доцург шайна хуьлийла‚ Далла лууш ду бакъдерг чӀагӀдан а Шен дешнашца‚ цатешачеран тӀаьхье хадон а

    8:7
  8. لِيُحِقَّ الْحَقَّ وَيُبْطِلَ الْبَاطِلَ وَلَوْ كَرِهَ الْمُجْرِمُونَ

    Бакъдерг чӀагӀдархьама а‚ харцдерг дӀатилорхьама а, къинош дечарна /и мел/ ца дезахь а

    8:8
  9. إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُمْ بِأَلْفٍ مِنَ الْمَلَائِكَةِ مُرْدِفِينَ

    Аш шайн Кхиош-кхобучуьнга гӀо доьхура. Цо шуна жоп делира: 'Ас шу чӀагӀдийр ду эзар вовшашна тхьа-тхьахь лаьттачу маликашца'‚ аьлла

    8:9
  10. وَمَا جَعَلَهُ اللَّهُ إِلَّا بُشْرَىٰ وَلِتَطْمَئِنَّ بِهِ قُلُوبُكُمْ ۚ وَمَا النَّصْرُ إِلَّا مِنْ عِنْدِ اللَّهِ ۚ إِنَّ اللَّهَ عَزِيزٌ حَكِيمٌ

    И ца дира Дала кхаъ хилла а бен‚ шеца шун дегнаш паргӀатдахархьама а бен. ГӀо дац Делера а бен. Баккъалла а, Дела веза верг‚ хьукма нийса деш верг ву

    8:10
  11. إِذْ يُغَشِّيكُمُ النُّعَاسَ أَمَنَةً مِنْهُ وَيُنَزِّلُ عَلَيْكُمْ مِنَ السَّمَاءِ مَاءً لِيُطَهِّرَكُمْ بِهِ وَيُذْهِبَ عَنْكُمْ رِجْزَ الشَّيْطَانِ وَلِيَرْبِطَ عَلَىٰ قُلُوبِكُمْ وَيُثَبِّتَ بِهِ الْأَقْدَامَ

    Дагадаийта: Цо шуна тӀетесира наб озор, шуна Шегара сапаргӀато хилла‚ доссадора шуна тӀе стиглара хи (догӀа), шеца шу цӀандархьама‚ шайтӀанан вас-васал шух дӀаяккхархьама‚ шун дегнаш сацорхьама (собарца а‚ бакъдолчуьнца а)‚ шун когаш цуьнца чӀагӀбархьама

    8:11
  12. إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا ۚ سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ

    Дагадаийта: хьан Кхиош-кхобучо хаийтира маликашка, Ша шуьца ву, аьлла‚ чӀагӀбе ийман диллинарш. Ас тӀаьхьа цатешначеран дегнашка кхерам тосур бу – тоха легашна тхула /кортош даха/‚ хадайе церан массо а пӀелган юьхьиг

    8:12
  13. ذَٰلِكَ بِأَنَّهُمْ شَاقُّوا اللَّهَ وَرَسُولَهُ ۚ وَمَنْ يُشَاقِقِ اللَّهَ وَرَسُولَهُ فَإِنَّ اللَّهَ شَدِيدُ الْعِقَابِ

    Иза ду уьш Далла а‚ Цуьнан элчанна а дуьхьал хилла хиларна. Далла а‚ Цуьнан элчанна а дуьхьал хиллачунна Дела бекхам эца чӀогӀа ву

    8:13
  14. ذَٰلِكُمْ فَذُوقُوهُ وَأَنَّ لِلْكَافِرِينَ عَذَابَ النَّارِ

    Иза (Ӏазап) ду шуна: 'Ӏовша и шайна – цатешачарна цӀеран Ӏазап ду'

    8:14
  15. يَا أَيُّهَا الَّذِينَ آمَنُوا إِذَا لَقِيتُمُ الَّذِينَ كَفَرُوا زَحْفًا فَلَا تُوَلُّوهُمُ الْأَدْبَارَ

    ХӀай ийман диллинарш! Шаьш цатешачарна дуьхьалкхетча (тӀам тӀехь эскарш вовшахкхетча) могӀаршца, /шайн/ баккъаш ма тоха царна (царах кхералой ма довда)

    8:15
  16. وَمَنْ يُوَلِّهِمْ يَوْمَئِذٍ دُبُرَهُ إِلَّا مُتَحَرِّفًا لِقِتَالٍ أَوْ مُتَحَيِّزًا إِلَىٰ فِئَةٍ فَقَدْ بَاءَ بِغَضَبٍ مِنَ اللَّهِ وَمَأْوَاهُ جَهَنَّمُ ۖ وَبِئْسَ الْمَصِيرُ

    Оцу дийнахь царна шен букъ тоьхнарг‚ ша тӀамна хьаьвзаш вацахь я кхечу тобанах дӀауьйш вацахь, Делера оьгӀазаллина юкъаваьлла и‚ цуьнан чугӀойла жоьжахати ю‚ ма вон бу и кхоллам!

    8:16
  17. فَلَمْ تَقْتُلُوهُمْ وَلَٰكِنَّ اللَّهَ قَتَلَهُمْ ۚ وَمَا رَمَيْتَ إِذْ رَمَيْتَ وَلَٰكِنَّ اللَّهَ رَمَىٰ ۚ وَلِيُبْلِيَ الْمُؤْمِنِينَ مِنْهُ بَلَاءً حَسَنًا ۚ إِنَّ اللَّهَ سَمِيعٌ عَلِيمٌ

    Аш ца байина уьш‚ делахь а, Дала байина уьш. Ахь ца кхоьссина /герз/ айхьа кхуссуш, делахь а, – Дала кхоьссина (Дела вара и шун гӀазот дӀахьош верг) муъмин нахана шегара хаза ял (толам‚ хӀонс) ялархьама. Баккъалла а, Дела хезаш верг а, хууш верг а ву

    8:17
  18. ذَٰلِكُمْ وَأَنَّ اللَّهَ مُوهِنُ كَيْدِ الْكَافِرِينَ

    Иза -Дела хилар ду цатешачеран мекарло эшор йолуш

    8:18
  19. إِنْ تَسْتَفْتِحُوا فَقَدْ جَاءَكُمُ الْفَتْحُ ۖ وَإِنْ تَنْتَهُوا فَهُوَ خَيْرٌ لَكُمْ ۖ وَإِنْ تَعُودُوا نَعُدْ وَلَنْ تُغْنِيَ عَنْكُمْ فِئَتُكُمْ شَيْئًا وَلَوْ كَثُرَتْ وَأَنَّ اللَّهَ مَعَ الْمُؤْمِنِينَ

    Аш толам бехча – толам беана шуьга. Шу совцахь – и дика ду шуна‚ шу юха а тӀамна юкъа дагӀахь – Тхо а догӀур ду, шун тобано шу цхьана а хӀуманах кӀелхьардохур дац, и йоккха хилахь а. Дела муъмин нахаца ву

    8:19

Гочдар: Магомед Магомедов