Сурат 73 Аль-музаммил (ДIахьерчинарг)

1. يَا أَيُّهَا الْمُزَّمِّلُ

   ХIай /бедарх/ дIахьаьрчинарг!

   73:1

2. قُمِ اللَّيْلَ إِلَّا قَلِيلًا

   ГIатта буса‚ цхьа кIеззиг /буьйса/ йите /хьайна садаIа/

   73:2

3. نِصْفَهُ أَوِ انْقُصْ مِنْهُ قَلِيلًا

   Цуьнан ах /йите/‚ я цунах цхьа кIеззиг эшае

   73:3

4. أَوْ زِدْ عَلَيْهِ وَرَتِّلِ الْقُرْآنَ تَرْتِيلًا

   Я тIетоха цунна. Къуръан деша (меллаша, хазчу) дешарца

   73:4

5. إِنَّا سَنُلْقِي عَلَيْكَ قَوْلًا ثَقِيلًا

   Оха дуьхьалтухур ду хьуна деза дош

   73:5

6. إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا

   Баккъалла а, буьйсанан хан еза ю (ламаз дечунна)‚ вуно билгал ю дашца

   73:6

7. إِنَّ لَكَ فِي النَّهَارِ سَبْحًا طَوِيلًا

   Боккъалла а, хьуна /дан/ дийнахь дехха гIуллакхаш ду (Къуръан деша мукъа ца волу хьо)

   73:7

8. وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا

   Хьехае хьуо Кхиош-кхобуш волчу /Делан/ цIе. /Дуьненан гIуллакхех/ хада Цунна (Дала) Iибадат дарца, (дог цIена) хадарца

   73:8

9. رَبُّ الْمَشْرِقِ وَالْمَغْرِبِ لَا إِلَٰهَ إِلَّا هُوَ فَاتَّخِذْهُ وَكِيلًا

   Малхбалин а‚ малхбузен а Кхиош-кхобург ву Иза‚ вац кхин дела Иза воцург‚ лаца Цунах /хьайна/ векал (тIетовжа гIоьнча)

   73:9

10. وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا

    Собар де цара (Маккан керастанаша) олучунна тIехь‚ бита уьш хазчу кепара. /Дукха бехкаш ца бохуш, цатам ца беш/

    73:10

11. وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا

    Вита Со а‚ и шайгахь ниIматаш долу /дин/ харцдеш берш а‚ собар де цаьрца цхьа кIеззиг

    73:11

12. إِنَّ لَدَيْنَا أَنْكَالًا وَجَحِيمًا

    Баккъалла а, Тхоьгахь буржолаш а ю‚ /жоьжахатин/ цIе а ю

    73:12

13. وَطَعَامًا ذَا غُصَّةٍ وَعَذَابًا أَلِيمًا

    Лага чохь дуьсур долу даар а ду‚ лазош долу Iазап а ду

    73:13

14. يَوْمَ تَرْجُفُ الْأَرْضُ وَالْجِبَالُ وَكَانَتِ الْجِبَالُ كَثِيبًا مَهِيلًا

    Оцу /къемат/дийнахь латта а‚ лаьмнаш а дегалур ду‚ лаьмнех хир бу Iенаш болу гмаран барз

    73:14

15. إِنَّا أَرْسَلْنَا إِلَيْكُمْ رَسُولًا شَاهِدًا عَلَيْكُمْ كَمَا أَرْسَلْنَا إِلَىٰ فِرْعَوْنَ رَسُولًا

    Баккъалла а, Оха ваийтина шуьга элча /Мухьаммад/ шуна тIехь теш хилла‚ Оха ФирIавне а элча /Муса/ вахийтарх терра

    73:15

16. فَعَصَىٰ فِرْعَوْنُ الرَّسُولَ فَأَخَذْنَاهُ أَخْذًا وَبِيلًا

    ФирIавн Iеса хилира элчанна тIаккха Оха иза схьалецира чIогIачу схьалацарца

    73:16

17. فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيبًا

    Шу муха ца кхоьру /хIай къурайшан тоба/, аш керстаналла дича, ша бераш къеж бийр болчу дийнах?

    73:17

18. السَّمَاءُ مُنْفَطِرٌ بِهِ ۚ كَانَ وَعْدُهُ مَفْعُولًا

    Стигал этIар ю /оцу дийнан ирчаллах/. Цуьнан (Делан) ваIда кхочушхилла

    73:18

19. إِنَّ هَٰذِهِ تَذْكِرَةٌ ۖ فَمَنْ شَاءَ اتَّخَذَ إِلَىٰ رَبِّهِ سَبِيلًا

    Баккъалла а, хIара хьехам бу. Шена луучо шен Кхиош-кхобучуьнга некъ схьалоцур бу /цунах/

    73:19

20. إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِنْ ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِنَ الَّذِينَ مَعَكَ ۚ وَاللَّهُ يُقَدِّرُ اللَّيْلَ وَالنَّهَارَ ۚ عَلِمَ أَنْ لَنْ تُحْصُوهُ فَتَابَ عَلَيْكُمْ ۖ فَاقْرَءُوا مَا تَيَسَّرَ مِنَ الْقُرْآنِ ۚ عَلِمَ أَنْ سَيَكُونُ مِنْكُمْ مَرْضَىٰ ۙ وَآخَرُونَ يَضْرِبُونَ فِي الْأَرْضِ يَبْتَغُونَ مِنْ فَضْلِ اللَّهِ ۙ وَآخَرُونَ يُقَاتِلُونَ فِي سَبِيلِ اللَّهِ ۖ فَاقْرَءُوا مَا تَيَسَّرَ مِنْهُ ۚ وَأَقِيمُوا الصَّلَاةَ وَآتُوا الزَّكَاةَ وَأَقْرِضُوا اللَّهَ قَرْضًا حَسَنًا ۚ وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِنْدَ اللَّهِ هُوَ خَيْرًا وَأَعْظَمَ أَجْرًا ۚ وَاسْتَغْفِرُوا اللَّهَ ۖ إِنَّ اللَّهَ غَفُورٌ رَحِيمٌ

    Баккъалла а, хьан Кхиош-кхобучунна хууш ду хьо буьйсан кха дèкъан шина дèкъал кIеззиг йолчу заманчохь гIеттина /Шена Iамал еш/ вуйла‚ цуьнан ах заманчохь‚ кха дèкъан цхьа дáкъа заманчохь а‚ хьоьца болчарах цхьа тоба ю /иштта буса гIеттина Iамал еш иза а хаьа Далла/. Дáла барам бийна буьйсан а‚ дийнан а. Цунна хии шуна /ерриг буьйса я цунах дукхаерг Iибадат дарца денйан/ могур доций, /хIинца/ гечдина Цо шуна – деша Къуръанах шайна атта дерг /буса/. Цунна (Далла) хии‚ шух хир ву цомгушниг‚ кхиберш лаьттахула бевлла лелаш бу Делан ниIмат лоьхуш (шайна рицкъ тардеш)‚ /цхьа/ кхиберш Делан новкъахь тIом беш бу - деша цунах (Къуръанах) шайна атта дерг. ХIоттаде ламаз‚ дло закат‚ аш дло Далла хаза декхар /юхалург/. Аш шайна хьалхадаьккхина диканиг шуна иза карор ду Далла гергахь диканиг а‚ сийлахь-еза ял а хилла. Деле гечдар дēха. Баккъалла а, Дела гечдийриг а ву‚ къинхетаме верг а ву

    73:20

Гочдар: Магомед Магомедов